|Friday, May 26, 2017
You are here: Home » Travel » Linja “Wizzair”, Shkup-BE, 20 deri në 30 euro

Linja “Wizzair”, Shkup-BE, 20 deri në 30 euro 

Wizz-Air-Cabin-Crew

Për vetëm 1.799 denarë (30 euro) sivjet “Wizzair” do të fluturojë nga Shkupi drejt Barcelonës çdo të martë dhe të shtunë. Më lirë se 30 euro shkohet edhe në Paris

Nga qershori i këtij viti, kompania ajrore me buxhet të lirë “Wizzair” do t’i shtojë edhe pesë linja të reja nga Maqedonia në shtetet evropiane. Për vetëm 1.799 denarë (30 euro) sivjet “Wizzair” do të fluturojë nga Shkupi drejt Barcelonës çdo të martë dhe të shtunë.

Me këtë çmim qytetarët e Maqedonisë nga 29 qershori do të mund të udhëtojnë nga Shkupi drejt Oslos.

Po ashtu, sipas marrëveshjes së Qeverisë së Maqedonisë për subvencionimin e fluturimeve me buxhet të ulët, “Vizer” vendos destinacione nga Shkupi drejt Hamburgut dhe Nirnbergut çdo të mërkurë dhe të diele nga 1 korriku i këtij viti me çmim prej 1.499 (25 euro), gjegjësisht 1.199 denarë (20 euro).

wizz-airPër në Fridrihshafen, gjithashtu nga fundi i qershorit “Wizzair” do të realizojë fluturime me çmim prej 1.199 denarë . Aq do të kushtojë edhe linja  nga aeroporti i Ohrit “Shën Apostol Pali” drejt Bazelit të cilën “Wizzair” do ta vendos dy herë në javë nga 1 korriku.

Xhon Stivenson, zëvendësdrejtori i “Wizzair” sot në prani të ministrit të Transportit dhe Lidhjeve, Mile Janakieski paralajmëroi edhe rritjen e frekuentimit të 14 linjave ekzistuese, si dhe involvimin e fluturakes së tretë të tipit “Erbas 320″ në bazën në Shkup.

Për në Malmo, fluturimet javore nga qershori rriten prej në pesë në shtatë, për në Geteborg prej në tre në katër, ndërsa për në Keln, Frankfurt, Milano dhe Paris në vend se dy herë “Vizer” do të fluturojë nga tri herë në javë, citon INA.

Ministri Janakieski potencoi se vetëm përmes subvencionimit të linjave ajrore në vitin 2013 numri i pasagjerëve është rritur për 236 për qind, ndërsa vitin e kaluar janë transportuar mbi 500.000 pasagjerë apo për 50 për qind më shumë në krahasim me vitin 2013.

Pas numrit të arritur prej 1.270.000 pasagjerëve në aeroportet e Maqedonisë vitin e kaluar, target për këtë vit, sipas Janakieskit është tejkalimi i numrit 1,5 milionë pasagjerë.

 

T’fundit nga rubrika:


Add a Comment

0